La 37a PSI
2-a de aprilo 2021 ĝis 4-a de aprilo 2021
1-a de junio 2021
Ni nun ankoraŭ ricevis kelkajn eksterrete registritajn videofilmojn de JoMo-kantoj, kiujn li ankaŭ plejparte prezentis dum la PSI-eto 2021 (rigardu la suban liston je 17-a de aprilo 2021 aŭ simple vizitu nian novan PSI-Youtube-kanalon).
17-a de majo 2021
Nun ni povis kompletigi la informojn pri la prelegoj de la PSI-eto 2021 aldonante la pdf-dosierojn de la prelegoj de François Hounsounou el Benin (rigardu la suban liston je 17-a de aprilo 2021).
Kaj ne forgesu viziti nian novan PSI-Youtube-kanalon.
18-a de aprilo 2021
La registritaj prelegoj de la PSI-eto 2021 vi povas trovi en nia nova PSI-Youtube-kanalo.
Kiel komunikilo inter la PSI-amikoj ni uzas la mesaĝilon Telegram. Tiuj, kiuj ne volas "perdi la fadenon" de la aktivecoj de la PSI-teamo kaj de la PSI-amikoj, urĝe instalu aŭ la Telegram-apon aŭ la Telegram-programon por vindozo kaj poste fariĝi membron de la Telegram-grupo PSI-babilado uzante https://t.me/PSI_babilado.
17-a de aprilo 2021
PSI-eto = malgranda Paska Semajno Internacia 2021
Nun jam pasis la ĉi-jara PSI, kiun ni nomis „PSI-eto“, kiu okazis virtuale en la interreto de la 2‑a ĝis 4‑a de aprilo 2021. Tiel rapide ĝi komenciĝis, tiel rapide ĝi bedaŭrinde finiĝis. Tamen ni komune travivis tri bonetosajn, intensivajn tagojn antaŭ la hejmaj ekranoj. Tiuj ĉi tagoj estis pliriĉigitaj de helpemaj gekontribuantoj kaj spontaneaj aldonoj de la partoprenantoj – al ili ĉiuj la PSI-teamo multe dankas.
Nia programo ankaŭ ĉi-jare konsistis - apud multege da babiladoj kaj diskutoj - el diverstemaj prelegoj, ludoj, koncerto kaj manlaborsesioj. Ĉiutage nia virtuala PSI-eto estis vizitata de 15 ĝis 32 partoprenantoj, kiuj venis inter alie el Portugalio, Barato, Serbio, Polando, Rusio, Ĉeĥio, Ĉilio, Usono, Kanado, Japanio, Meksiko kaj memkompreneble el Germanio.
La partopreno estis tute senkosta por la partoprenantoj - tamen ni petas tiujn, kiuj ŝatis la programon aŭ la ideojn, donaci tiom, kiom vi pensas, ke la renkontiĝo valoras/valoris, por subteni tiun kaj sekvontajn PSI-eton kaj la Germanan Esperanto-Asocion.
bankkonto de GEA: IBAN DE 84 5085 1952 0040 1146 05 / BIC-kodo HELADEF1ERB
Se vi volas pagi per PayPal, bonvolu kontakti nin.
Nepre ĝiru kun titolo: «PSI 2021 donaco»
Jen la preskaŭ kompleta listo de niaj programeroj kaj kelkfoje kromaj informoj:
- Manlaboro kun Nicky - bedaurinde mankas ekranfoto.
- Origami Zoja - ekranfoto
- Prelego François Hounsounou / Benin – La agrikulturo kaj diversaj produktoj - FHounsounou_BeninaAgrikulturo.pdf
- Prelego François Hounsounou / Afrika Centro Mondcivitana Benin - FHounsounou_ACMBenino.pdf
- Prelego Christoph Frank / Voĉlegado kia ĝuo - Prelego@Youtube (1.100 MB)
- Prelego André C. Weber / ACWeber_Island2013.pdf + ACWeber_UK2013_Reykjavik.pdf
- Prelego Betti Maul / La Asocio Nova Familio - Youtube-kanalo / retpaĝaro
- Prelego Ralf Haumer / Prezentado pri la sekvonta PSI 2022 en Brunsvigo - RalfHaumer_38a_PSI2022.pdf
- Ludo TABUo Betti Maul + Klaas Dijkstra - bedaurinde mankas ekranfoto.
- Trinkejo kun Helmut Klünder kaj aliaj - ekranfoto
- Babilado (ĉiam inter la aliaj programeroj) ekranfoto
- Filmo Klaas Dijkstra / La Poŝtisto - mankas pliaj informoj (vidu la suban programon)
- Prelego Paula Weil / Ĉiu tago por la estonteco - Prelego@Youtube (365 MB) - ekranfoto
- Prelego Amri Wandel / La misio: Mars - Prelego@Youtube (384 MB) - ekranfoto
- Koncerto de Jomo (estis tre amuza, sed pro la malbona sonkvalito ni rezignas la publikadon de la registritaj filmoj)
- Prelego Andreas Diemel / AndreasDiemel_NoktajTrajnoj.pdf
- Ludo Heinz Sprick / „Nur unu“ - bedaurinde mankas ekranfoto.
- Prelego Roland Schnell / La vivo, agado kaj verkoj de d-ro Kliemke - RolandSchnell_DroKliemke.pdf / Prelego@Youtube (100 MB)
- Prelego Bertilo Wennergren / Revizado de PIV - Prelego@Youtube (356 MB)
- Prelego Christoph Frank / Prelego pri libroj: Mia mirinda avelujo - Prelego@Youtube (1.860 MB)
- Ludo Klaus Rumrich / Samopiniulo - ekranfoto1 ekranfoto2
- Kantoj de JoMo (eksterrete registritaj) - PSI-Youtube-kanalo
!! Kaj ne forgesu aliĝi al la 38-a PSI en Braunschweig !!
2-a de aprilo 2021
La PSI-teamo decidis je la 23-a de februaro 2021 organizi 3-tagan virtualan PSI-renkontiĝon uzante la Zoom-konferencilon
- de la 2-a de aprilo 2021 ĝis 4-a de aprilo 2021
- ĉiutage de 10:30 ĝis 18:00 kaj ekde 20:00 trinkejo/babilejo
Aliĝo NE necesas, simple partoprenu. Partopreno estas tute senkosta - tamen ni petas tiujn, kiuj ŝatas la programon aŭ la ideojn, donaci tiom, kiom vi pensas, ke la renkontiĝo/evento valoras, por subteni tiun PSI-eton kaj la Germanan Esperanto-Asocion.
bankkonto de GEA: IBAN DE 84 5085 1952 0040 1146 05 / BIC-kodo HELADEF1ERB
Se vi volas pagi per PayPal, bonvolu kontakti nin.
Nepre ĝiru kun titolo: «PSI 2021 donaco»
Partopreni vi povas uzante la ligilon https://zoom.us/j/98093899307 - kiel pasvorton enmetu la numeron de la naskiĝjaro de Esperanto (la jaro, en kiu aperis la "Unua Libro"). Vi trovas ĝin sur la paĝo https://lernu.net/eo/esperanto.
Kiel komunikilo dum la PSI-eto en kazo de ĉefaj teknikaj problemoj ni uzas la mesaĝilon Telegram. Ni urĝe rekomendas por la partoprenantoj instali aŭ la Telegram-apon aŭ la Telegram-programon por vindozo kaj poste fariĝi membron de la Telegram-grupo PSI-babilado uzante https://t.me/PSI_babilado.
Dum la PSI-eto ni partatempe uzas pli ol unu tiel nomataj Zoom-ĉambroj. Por tiuj, kiuj ne konas la uzadon de tiuj Zoom-ĉambroj, ni preparas malgrandan helpdokumenton kaj urĝe petas la partoprenontoj legi ĝin.
La programo de la 37-a virtuala PSI-eto:
Ligilon kaj por la ludo "TABUo" kaj por la filmo "LA POŜTISTO":
https://us02web.zoom.us/j/82075965818?pwd=S1hXTFN1SEF0a0ZHVHN3b0JXMHN1Zz09
Pasvorto: TdumPSI
Ligilon nur por la ludo "nur unu": https://us02web.zoom.us/j/851458747.
3-a de februaro 2021
www.live-karikaturen.ch - CC BY-SA 4.0.
La estraro de la Germana Esperanto Asocio (GEA) decidis pri la propono de la PSI-teamo nuligi la PSI-renkontiĝon en Braunschweig. Ili faris tion pro la nuna situacio pri la koronviruso. La PSI-teamo kaj ankaŭ la GEA-estraro ne kapablas respondeci pri fizika evento. Ni - la PSI-teamo - tre bedaŭras, ke ni ne revidos niajn multajn amikojn je Pasko. Al ĉiuj el la aliĝintoj, de kiuj ni ne ricevos alian instrukcion ĝis fino de februaro, GEA repagos ĉiujn jam pagitajn kostojn.
La PSI-teamo provos organizi virtualan PSI-eventon dum aŭ ĉirkaŭ Pasko. Ĉirkaŭ la jarŝanĝo, Zoom-bazitaj ofertoj ja jam estis tre bonaj. Virtualaj kunvenoj valoras konsiderinde malpli ol vizaĝ-al-vizaĝaj renkontiĝoj, sed ili ankaŭ valoras konsiderinde pli ol nenio. La daŭro kaj la kvalito de la virtuala PSI-evento tre dependos de viaj ofertoj.
Ni do petas ĉiujn, kiuj volas oferti ion dum la virtuala PSI 2021, kontakti psi@esperanto.de kun mallonga priskribo de la oferto ĝis fino de februaro.
Ni publikigos novaĵojn pri la virtuala PSI 2021 kiel eble plej baldaŭ ĉi-tie.